Tradisi Manyalai Lilin Sambuik Malam 27 Ramadhan di Nagari Ulakan"

 

OLEH:Haris septia nurman

Jurusan sastra Minangkabau UNAND 

Pado saat bulan suci ramadhan tibo, Allah SWT mawajibkan kito untuak bapuasa di bulan Ramadhan. bulan yang panuah dengan keberkahan ko punyo banyak ka utamoan. sasuai jo hadits barikuik ko. 

Riwayat Ibn Abbas, Rasulullah saw bersabda: “Seandainyo umaik ambo mamahami rahasio dan keutamaan yang ado dalam bulan Ramadhan, sungguah mereka akan maharokan satahun panuah manjadi bulan Ramadhan. Karano kebaikan dikumpuaan, ketaatan ditarimo, doa-doa akan dijabahi, doso-doso diampuni, sarugo digala untuak mereka”.

Dalam bulan suci ramadhan, ado pulo malam kemuliaan di 10 hari terakhir manjalang tibonyo hari rayo idul fitri. Wakatu itu disabuik dengan Malam Lailatul Qadar. Malam lailatul qadar jatuah diantaro malam-malam ganjia pado 10 hari terakhir bulan Ramadhan.

Hal iko lah dijalehan pulo di dalam sabuah hadits :

تَحَرَّوْا وفي رواية : الْتَمِسُوْا لَيْلَةَ الْقَدْرِ فِيْ الْوِتْرِ مِنْ الْعَشْرِ

Aratinyo: "Carilah malam lailatul qadar di (malam ganjia) pado sapuluah hari tarakhir bulan Ramadhan." (HR. Bukhari & Muslim).

Malam Lailatul Qadar ko disabuik pulo sebagai malam Saribu Bulan. Karano pado malam tu nilai ibadah dan kebaikan yang ado pada malam tu sataro jo seribu bulan lamo nyo. Ikolah momen nan paliang dinanti dek umat Islam katiko bapuaso.

Para ulama mayakini bahwa malam lailatul qadar ko jatuah pado malam nan ka 27 bulan ramadhan. 

Mangko dari pado itu ado berbagai macam tradisi unik masyarakaik Indonesia dalam manyambuik bulan suci ramadhan 

Masyarakaik Minangkabau ado pulo punyo berbagai macam tradisi unik dalam menyambuik malam lailatul qadar.

Di kabupaten Padang pariaman, Provinsi Sumatera Barat tapek nyo di Nagari Ulakan ado sabuah Tradisi unik dalam manyambuik malam lailatul qadar atau masyarakaik satampek manyabuik nyo jo malam Sajadah.

Katiko datang nyo malam 27 Ramadhan, masyarakaik akan manyalo an lilin lilin ketek di sakaliliang teras rumah nyo.

Masyarakaik mayakini bahwa pado saat malam lailatul qadar ko ribuan malaikaik rahmat ka turun ka bumi, mangko nyo untuk menyambut kadatangan para malaikaik ko masyarakaik mambuek kagiatan manyaloan lilin. kegiatan manyaloan lilin ko dimulai sasudah sholat maghrib sampai masuak nyo adzan sholat isya dan sholat Tarawiah. 

kagiatan manyaloan lilin ko dibuek dek anak anak, tpi ado pulo nan dibuek dek urang gadang.  

Manyaloan lilin indak hanyo dibuek di teras rumah sajo, tetapi ado pulo nan mambuek di tapi jalan dan di pakarangan surau atau musajik. 

Anak-anak tampak bagadang hati katiko bamain dan manyaloan lilin, karano memang hal mode ko lah nan diharokan dek Rasulullah dahulu yaitu raso bahagia dalam manjalanan ibadah puaso.

Salain bamakna manyambuik kadatangan malaikaik, kagiatan manyaloan lilin ko bamakna pulo sebagai bantuak mamohon ampunan dan mamohon patolongan di akhiraik nanti.

Bukan hanyo kagiatan manyaloan lilin sajo, Pado malam lailatul qadar ko masyarakaik juo taruih maningkek an ibadah di sapanjang malam bulan puaso dengan banyak membaco Al–Qur’an dan beristikaf di satiok surau atau musajik nan ado.

Sasudah kagiatan manyaloan lilin lah salasai mako masyarakaik akan babondong bondong pai ka surau untuak mangarajoan ibadah sholat tarawiah basamo samo.

Banyak pulo anak anak nan mambao lilin ko sebagai palito di jalan.

Mode biaso, sumbayang tarawiah di padang pariaman khusus nyo masyarakaik nan manganut tarekat syattariyah mangadokan sumbayang tarawiah pado wakatu tangah malam, namun ado pulo yang mangarajoan kiro kiro jam 10 dan jam 11 malam.

Sasudah sumbayang tarawiah lah salasai mako masyarakaik malanjuik an kagiatan tadarus sampai kiro kiro lah jam 2 pagi kamudian masyarakaik mampasiap an makanan untuak di bao ka surau untuak mangado an kagiatan sahur basamo.

Selain untuak ibadah, kagiatan sahur basamo ko ado makna kebersamaan dan mampa arek tali silaturahmi antaro masyarakaik. 

Sasudah kagiatan sahur basamo ko lah salasai mako kasado masyarakaik baliak ka rumah masiang masiang kecuali anak laki-laki, anak laki-laki ko tingga di surau dan lalok basamo di surau tu. 

Katiko adzan subuah lah bakumandang mako banyak pulo masyarakaik nan baliak ka surau untuak mangado an sumbayang subuah bajamaah

Nah itu lah ulasan saketek tentang kebiasaan atau tradisi masyarakaik di nagari ulakan dalam manyambuik tibo nyo malam 27 ramadhan atau masyarakaik manyabuik nyo malam sajadah. 

Tarimo kasih banyak lah mambaco artikel ko,

Mohon maaf jikok ado kato katonyo yang salah atau nan indak pado tampek nyo

Karano salah kapado manusia mamintak maaf,

Salah kapado tuhan mamintak ampun.