Peralihan Kaba Rambun Pemenan Menjadi Cerpen Berbahasa Minang

 

Oleh : Afifa Dhia Sahda, Mahasiswi Sastra Minangkabau Universitas Andalas

“Rambun Pemanen”

Tatkalo maso dahulunyo, di Ranah Kampuang Dalam hiduiklah sabuah keluarga dari Angku Datuak Tumangguang saurang rajo yang dikenal muluik manih kucindam murah, baso elok rupo pun baiak. Inyo mampunyai istri yang banamo Puti Linduang Bulan, jo duo urang anak, sikua batino sikua jantan nan gadang banamo Puti Rono Pinang, nan ketek banamo Rambun Pamenan. Katiko umua Puti Rono Pinang baru tigo tahun, umua Rambun Pamenan baru duo bulan, ayahnyo Datuak Tumangguang jatuah sakik yang pado akhirnyo maningga, manangih lah Puti Linduang Bulan, buni ratok babuah-buah, “Oi tuan Datuak Tumangguang, anak kito ketek baru,tagamang inyo ditingggakan, nantikan baa inyo gadang, sampai hati tuan maninggakan.” Lah rapek urang kasadonyo, dikali pakuburan, alah sudah dikali, janazah diusuang hanyo lai.

Baraliah kito ka nagari yang banamo Nagari Camin Taruih, Rajonyo banamo Angek Garang, nan bagala Rajo Aniayo, sajak dari ketek inyo alun punyo bini, inyo mancari urang nan rancak, dek lah lamo bapikia takana di dalam hati ado padusi yang rancak bukan kapalang, anak urang ranah Kampuang Dalam nan banamo Puti Linduang Bulan. Buruang Borak mangatokan “ambo lah mandapek kaba, lakinyo alah mati,” beluk pikiran rajo Angek Garang untuak manjapuik Puti Linduang Bulan, tabanglah inyo jo Buruang Borak tadi ka ranah Kampuang dalam.

Katiko lah sampai di ranah Kampuang Dalam di rumah Puti Linduang Bulan, inyo panggia lah Linduang Bulan untuak pai ka laman dek niek hati lah lamo bana. Mandanga kato rajo nantun manangih Puti Linduang Bulan, diimbau Rono Pinang, nan Rambun Pamenan sadang lalok di buayan “Anak kanduang  Puti Rono Pinang, mande lah dijapuik urang, indak buliak bataguah lai, rajo nantun bagak bana, namuah indak dibaoknyo juo, jagolah adiak elok-elok, samntaro Rambun Pamenan gadang, ko lai paik daranyo, suruah maliek badan mandeh, tuntuikkan juo malu nangko.” Bajalan Puti Linduang Bulan, turun ka laman rumah, lah naik Linduang Bulan jo Angek Garang ka ateh Buruang Borak, alah sabulannyo tabang akhirnyo sampai nagari Camin Taruih.

Alah limo tahun inyo disitu, lah payah rajo Angek Garang mambujuaknyo untuak kawin jo rajo nan Puti Linduang Bulan ko indak nio juo akhirnyo dipanggia Palimo Taduang jo Palimo Bajau untuak mamasuakan Puti Linduang Bulan ka dalam panjaro, diiriklah Puti Linduang Bulan dek Palimo Taduang bakato lah Linduang Bulan “oi angku Palimo Taduang baranti baa kito sabanta” lalu baranti lah inyo baduo sabanta, Puti Linduang Bulam manulis pasan untuak anaknyo baduo yang manyampaian kalau mandenyo kini dimasuakan kadalam panjaro dek namuah manikah jo Rajo Angek Garang, lah salasai manulis surek tu diisian cincin duo bantuak, diagiahhan surek tu ka Alang Bangkeh “Tolong antakan surek ko, ka ranah Kampuang dalam, ka bakeh anak ambo.” Diambiak lah surek tu dek alang bangkeh dibaoknyo tabang.

Di nagari Kampuang Dalam, dek Rambun Pamenan lah gadang jou batanyo lah inyo aciaknyo Puti Rono Pinang “Batanyo ambo pado aciak, lai juo kito babapak bamandeh, ko lai banakan bana, karano baru takana diambo kini,” manjawek lah aciaknyo “Kalau itu nan adiak tanyokan, babapak bamandeh kito indak, kan kito anak yatim, bapak kito rajo dalam nagari bagala Datuak Tumangguang, mandeh banamo Puti Linduang Bulan, alah samo hilang kaduonyo, hanyo kito baduo nan tingga.” Pai lah Rambun Pamenan lalok, katiko inyo jago, turun katangah rumah dan inyo batanyo ka aciaknyo “kok lai sayang aciak ka denai, denai ka pai mamikek, ka ateh bukik Gunuang Lenggo, di bawah kayu maranti, salangkan denai sikua balam, ka rumah Puti Dayang Suda, balam tigo gayo.” Bakato Rono Pinang “apo guno di adiak balam nantun, adiak ketek baru usah adiak bajalan juo, kok sakik pulo badan adiak rusuah kakak mangiroi, usah lah adiak pai mamikek.” Mandanga kato nantun manangih Rambun Pamenan, dek lah panek batangka dek sayang ka adiaknyo pai lah Puti Rono Pinang ka rumah Puti Dayang Sudah untuak maminjam balam timbago, namun kato Puti Dayang balam tu ndak bisa dipinjamkan, manangih Puti Rono Pinang, dek ibo mancaliak Puti Rono Pinang bakato Puti Dayang, “Oi aciak, usahlah aciak manangih juo, kalau balam ka aciak salang kok lapek balam nantun atau hilang indak batantu, kito bajanji kini nangko dangakan malah dek aciak diganti pitih denai ndak nio, kan gantinyo Rambun Pamenan, patunangkan denai jo Rambun Pamenan, kok lai suko nan baitu, baoklah balam nangko,” asa pintak lai ka balaku diruruikkan cincin nan di jari dilatakan tando timba baliak, dipatunangkan malah adiak kanduang jo Puti Dayang Sudah.

Dek lah dapek balam tigo Gayo Pai lah Rambun Pemenan mamikek ditangah perjalanan dek lah paneh bajalan baranti lah inyo sabanta di bawah batang kayu, sadang duduak basanda dapek lo surek yang jatuah di dakeknyo, nyo baco surek nantun, dipahami isinyo kironyo surek ko dari mande Rambun Pemenan, manangih Rambun Pemenan mambaco surek, tasasak lah Rambun Pemenan pulang untuk manamui aciak nyo. Lah sampai dirumah takajuik Puti Rono Pinang dek maliek adiaknyo pulang manangih di tanyo malah apo yang tejadi kabakeh Rambut Pamenan. Dicaritokan lah dek Rambun Pamenan maso Inyo mandapek surek mandenyo kini di dalam panjaro, batanyo lah Rambun Pemenan apo yang tajadi sabananyo kapado mande. Dikalahkan dek Puti Rono Pinang maso mande dibaok Rajo tabang Jo Buruang Borak kamano tabang nyo Ndak tau dek aciak. Mandanga panjalehan aciaknyo, tapikia lah dek Rambun Pemenan untuak Pai bajalan mancari mandenyo, dek Inyo hiduik bak anak balam nan ketek baru ka gadang, Ndak sampai hari Puti Rono Pinang malapehkan Rambun Pemenan Pai bajalan, ditangah indak tatagah di larang Inyo Pai juo, Jo hati ibo Puti Rono Pinang malapehkan Rambun Pemenan.

Di dalam Rimbo Gadang Rambun Pamenan kini Pai bajalan lah bahari hari inyo bajalan, nan makanan yang dibaok indak ado pula, alah duo tahun pulo inyo bajalan ndak tantu nagari ma nan ka dituju, dek lah panek bajalan baranti lah inyo di pondok rang paladang, dek mancaliak bujang di tangah halaman disuruh naik lah ka ateh rumah dek urang paladang, didalam rumah dicaritokan lah mukasuik Rambun Pemenan nantun untuk Pai nagari Camin Taruih Rajo nyo banamo Rajo Angek Garang, dek lah panek bacurito rilakan malah nasi agak sasuek kabakeh ambo kato Rambun Pemenan, diambiak kan lah nasi Jo aia dek rang paladang untuak Rambun Pemenan, lah salasai itu Pai lah Rambun Pemenan malanjuikan perjalanan nyo, dek ibo mancaliak Rambun Pemenan jauh jalan nan kadituju kok pitih yang kadiagiah indak Ado pulo, dihimbau lah Rambun Pamenan baliak dek alamaik putiah hati diberikanlah tungkek sakti yang banamo tungkek Manau Songsang, kanai sajo bayangan urang atau binatang bisa mati dibueknyo. Diambiak lah tungkek nantun Jo sanang hati dek Rambun Pemenan.

Habih hari babilang pakan, adolah pado suatu hari lah sampai Rambun Pemenan di gunuang gadang dibukik nan barapi, basuo dek Rambun Pemenan yang dikirony batang kayu nan malintang kironyo nago yang tasuo, dek ingek khasiat tungkek sakti tadi dilacuikan lah ka bayang nago tadi mati dibueknyo nago nantun, lah salasai nago dibunuah nyo tadanga suaro buruang yang hinggok di ateh kayu, kironyo anak garudo yang hampia dimakan dek nago gadang tadi, dek alah manolong ayah Jo mandenyo burung garudo baniak lah inyo untuak mambaleh jaso si Rambun Pamenan, dek Rambun Pemenan dijlaleh kan lah mukasuik nyo ka nagari Camin Taruih, manjawek lah burung garudo jauh bana nagari nantun, usah buyuang barusuah hati bisuak kita barangkek.

Dek hari lah pagi, pailah Rambun Pemenan Jo Buruang Garudo tadi tabang manyisia awan-awan, lah tujuah hari nyo tabang barulah sampai di nagari Camin Taruih. Turun lah Rambun Pemenan lalu bakato maso itu “kini baitu malah dek niniak, niniak nyo ka babaliak pulang, kok tacinto ambo isuak, Jo apo ambo ka bapasan?”,  manjawek lah Buruang Garudo “kok itu anak rusuahkan, ambiak bulu denai tujuah halai, pabilo buyuang handak pulang, panggang malah buku nantun, kok sampai asoknyo ka ateh langik, alah datang denai kamari, Buyuang tingga malah dahulu, ambo babliak hanyo lai. Tabang burung Garudo ka tampek anaknyo tingga.

Lah di nagari Camin Taruih kini Rambun Pemenan, dek lah lamo bajalan Rambun Pemenan, lah taraso paruih litak, namun makanan yang ka dimakan Ndak ado, baranti lah inyo di pondok urang untuk mamintak nasi dek rang pondok Ado juo nan maagiah nyo nasi Ado juo nan manulaknyo, dek lah panek juo bajalan bagolek lah inyo dirumah mande rang balapau, dek ibo mancaliak Rambun Pemenan disuruah lah Rambun Pamenan naiak ka ateh rumah diajaknyo makan basamo-samo. Dek manderang balapau indak paretongan Pulo disuruah lah Rambun Pemenan ditingga di rumah nyo agak ko batahun batahun Ndak Baa do, nasi Ndak akan mambali katonyo, Mande rang balapau Inyo hanyo punyo anak surang tungga babeleang, namonyo Sutan Mudo, kok namuah buyuang tingga disiko anak surang jadi baduo.

Salamo tingga Disinan batambah rami juo Lapau, alah tigo bulan Inyo Disinan adolah pado suatu hari taragak Pulo Rambun Pamenan nak bajalan-jalan  dimintak lah izin kapado Mandeh, nan dek Mandeh disuruah lah Sutan Mudo mangawanan si Buyuang Rimbo Pai bajalan-jalan. Lah banyak lurah nan di tampuah sanang rasonyo pamandangan. Di malam samalam hari batanyo Rambun Pamenan ka mande rang balapau “dimano.garan rumah Rajo disiko nan bagala Rajo aniayo, tarangkan lah ka Denai, bia Ndak sasek ambo ka kian.” Mandanga kato si Buyuang Rimbo dijalehkan lah dek Mande dimano tampek Rajo Angek Garang tu barado. Lalu batanyo baliak Rambun Pemenan “Baa Bana kabagakan Rajo nantun?”  dijalehkan kan lah dek Mande “maso dahulu, Ado saurang putinyang banamo Puti Lindung Bulan anak rang kampuang dalam, dijapuik nyo ka kian Jo Buruang Borak, dibaoknyo.kamari, alah tigo bulan lamonyo dianjuangan indak juo namuah dinikahinyo, lalu dimasuakan ka dalam panjaro, batujuah dubalangnan bajago, di lihia rantai bagaluang, di tangan palanggu lakek, pinggang barantai pulo labiah kurang sapuluah tahun, antah lai hiduik antah lah mati baitu Bana Parasiannyo.” Mandanga carito nan baitu manangih Rambun Pemenan namun indak di caliakannyo.

Di malam nan samalam nantun Mato dipiciang indak namuah lalok, ayia Mato badarai darai. Dihari nan bisuak nyo kiro kiro pukua anam pagi alah diambiak tungkek kiramat yang banamo Manau Songsang, mintak izin lah inyo kamande untuk Pai bajalan jalan, dek lamo lambek dijalan tibo nyo dirumah Rajo nantun, batujuah urang nan manjago palimo Taduang nan paling bagak Jo nan paliang tuo dari katujuah nyo. Batanyo lah Rambun Pemenan ka bakeh tujuah panjago nantun sia nan nyo jago yang Ado di dalam tu?,  dijawek lah dek palino tuduang baso Inyo manjago Puti Lindung Bulan, dulu inyo adolah tunangan Rajo kami, namun dek Inyo Ndak namuah kawin dimasuakan lah inyo kadalam panjaro. Mandanga jawek palimo Taduang batambah bangih Rambun Pemenan disuruah nyo lah untuk mambukakan panjaro tu kini juo, Marentak lah palimo Taduang disuruh lah Rambun Pamenan pai dari sinan, dek Rambun Pemenan indak namuah Pai bacakan lah inyo baduo yang pado akhirnyo palimo Taduang mati dek tungkek kiramat nantun sadang dek Anam urang lai lari dan manamui Rajo nyo, dan manjalehan apo yang alah tajadi, lalu mandanga barito tu Pai lah Rajo Angek Garang kasinan basobok Jo Rambun Pemenan.

Alah bajalan Rajo Aniayo dibaoknyo padang sabuah, dek lamo lambek dijalan, sampai garan Inyo Disinan dicaliak anak ketek nan sadang duduak di dakek mayik bakato Rajo aniayo “oi Buyuang nan jolong datang, apo sabab urang dibunuah, itu pantangan niniak moyang den, bautang indak mambayia, mambunuah indak mambangun, elok waang bajalan dari siko.” Manjawek lah Rambun Pemenan “dangakan malah dek angku, kok lai angku paibo, bukakkan malah pintu panjaro ko, kok angku indak namuah mambukak nyo, ambo indak nio pulang.” Bangih lah Rajo Angek Garang dicabuik nyo Padang Janawi dek lah pueh Rajo malacuiknyo namun nan Rambun Pemenan indak juo kanai, kini giliran Rambun Pemenan pulo nan mambaleh, diambiak malam tungkek dilacuikan ka Rajo nantun mati Rajo dibueknyo. Dek lah mancaliak rajo nyo mati anak buah nyo disuruh dek Rambun Pemenan membukakan pintu panjaro dibukkak nyo lah pintu panjaro tu.

Akhirnya Rambun Pemenan basobok Jo Puti Lindung Bulan, Mande kanduang nyo yang alah tapisah salamo batahun tahun. Dibaok lah Puti Lindung Bulan kanrunah mande rang balapau tadi diubekan lah Mandeh Disinan, lambek Laun tau juo mande rang balapau baso Puti Lindung Bulan adolah induak kanduang Rambun Pemenan, Dek Rajo Angek Gadang alah mati diusulkan dek masyarakat rang kampuang untuk maangkek Rambun Pemenan manjadi Rajo di nagari Camin Taruih, dek lah lamo rasonyo ranah kampung dalam ditinggakah lah lamo indak basuo Jo aciaknyo, Rambun Pemenan mamutuihan untuk baliak ka ranah Kampung Dalam, Ndak Ndak bisa Inyo jadi rajo ni nagari Camin Taruih.

Alah bajalan Rambun Pemenan baduo Jo Mande kanduang nyo dek urang rambun Pamenan alah sisaru garudo gadang, diambiak api jo kumayan lalu dibaka hanyo lai, asok mandulang ka udara. Indak bara lamo datang garudo gadang bakato malah garudo gadang “alah taragak anak kanduang, Tibo saruan pado ambo, ka babaliak malah anak kanduang.” Alah naik Rambun Pemenan Jo Puti Lindung Bulan ka ateh Buruang garudo tabang manyisia awan-awan indak bara hari sampai lah inyo di ranah kampung dalam. Takajuik lah Puti Rono Pinang mancaliak adiak nyo nan alah pulang kironyo alah mambaok Mande Puti Lindung Bulan bulan baliak ka rumah ko. Batamu Jo Mande kanduang, batangih tangihan Inyo kaduonyo, bunyi tangih mandayu Dayu sampai ka tangah halaman. Sadang dek anak gubalo mandanga urang manangih dicaliak nyo ka rumah kironyo Rambun Pemenan nan alah pulang Jo mandenyo, balari sakali anak gubalo nan banamo Amat Juki ka rumah Puti Dayang Sudah.

Sanang hati Puti Dayang Sudah mancaliak tunangan nyo lah baliak, sarato mandenyo. Lalu rapeklah penghulu sarato Jo imam dengan Katik culik Jo cadiak pandai dalam nagari, manuruik aluran nan biaso. Daoeklah kato Mufakat, Rambun Pemenan diangkek manjadi Rajo, Inyo ka ganti almarhum bapaknyo Datuak Tumangguang.