Cerpen : 14 lembar di hari spesial

Fitrah Azzahra

Mahasiswa Universitas Andalas Jurusan Sastra Minangkabau

 

Katiko malam alah tibo,sabalum mato mamaso tapiciang. Si ujang laki laki yang hatinyo sadang babungo bungo dak baranti mamikian Ratih gadih balahan jiwanyo. Karano raso ujang nan gadang ka Ratih inyo mamikian apo kiro kiro yang ka mambuek hati ratih sanang. Karano Ujang yakin Ratih yang akan mangawani iduiknyo besuak sampai tuo bahkan labiah dari itu,walaupun Ratih alum nampak baa rasonyo ka Ujang karano Ratih urangnyo lumayan cuek. Sadang bapikia ujang takalok sampai dak tadang bunyi suaro amak ujang yang alah mamakiak maimbau manjagoan ujang untuak kuliah online “ ujaaangggg... alun juo jago ang lai,beko amak siram ang jo aia ko” . Ujang langsuang pai ka sumua untuak mandi dan siap siap mambukak  laptop untuak kuliah online.

Azan ashar lh bakumandang tando hari lah mulai patang ,biasonyo ujang sore pai mamanciang samo Eman kawan dakeknyo. Dijalan ujang jo eman bacarito carito.

“Eh sabtu besuak hari valentine nak, apo ancak den agiah untuak cewek den yo?” kato Eman. “iyo? Deh tapi awak ma buliah marayoan hari valentine tu man, indak budaya Minangkabau do ciek lai di islam indak adoh hari valentine do” jawek Ujang.

“iyo tau den jang, tapi setidaknyo niat wak dak ikuik marayokan do wak hanyo mengungkapkan raso sayang ka kekasih awak dihari tu jo caro maagiah sesuatu” kecek Eman.” yo bakato ang se lah “ jawek ujang.

Malam pun alah tibo, bunyi uyia uyia lh bakaliaran di talingo, ujang yang masih takana kecek kecek Eman mamikian adoh juo batua kecek Eman, awak indak niat marayokan hari valentine tu. Dek karano Ujang iyo lo nio manyanangkan hati Ratih kakasiah hatinyo. Ujang bapikia apo yang ancak diagiah ka Ratih, yang bisa mawakili raso sayang Ujang tapi indak balabiah bana karano Ujang indak nio takasann marayoan hari Valentine, karano ba kabaa valentine indak adoh dalam agama dan budaya Minang. Dek alah lamo mamanuang tapikia dek ujang inyo dak nio maagiah Ratih barang tapi ujang nio maagiah Ratih surek yang sederhana. Ujang mambuek ampek baleh surek yang bermakna tanggal ampek baleh hari valentine.

Besuak harinyo di hari Valentine, Ujang pai karumah Ratih maagihan surek yang nyo buek malam hari patang. Ditangah parjalanan karumah Ratih, Ujang galisah takuik hadiah yang Ujang agiah Ratih indak suko. Tibonyo dirumah Ratih Ujang batamu di teras rumahnyo Ratih, Ujang langsuang maagiahan karateh yang nyo bungkuiah samo koran.” Tih, iko adoh sesuatu tapi bukaknyo beko yo ahhaha“ Ujang sambia galak galak malu. Ratih manarimo hadiah ​Ujang jo sanang hati “ apo ko ujang, atih indak ulang tahun do hahaha” sambia galak galak binguang. “ Bukak se  dulu tih, beko tau surang ma hahaha”. Ujang langsuang baliak yo tih lah sanjo” jawek Ujang. Pas Ujang alah pulang Ratih balari ka kamar maraso indak saba nio mambukak hadiah dari Ujang. Ratih langsuang mancabiak koran pambungkuih hadiah tu kironyo isinyo hanyo karateh putiah yang barisi 14 lembar. Ratih jo raso penasaran langsuang mambaconyo.

“ Tulisan ujang iyo dak ancak do Ratih, jadi jan paratian bana katulisan tapi paratian proses mambukak lembaran sasuai urutan nomornyo. Isi halaman pertamo surek Ujang. Ratih galak galak surang mambaco surek dari Ujang.

 

Ratih pun mambukak lembaran kaduo tapi kosong, dibukak lembaran katigo pun kosong. Ratih pun binguang,di bukak sampai lembaran ka duo baleh, tigo baleh masih kosong juo, taruih di bukak sampai halaman ampek baleh.baru nampak tulisan yang baitnyo ampiak mamanuahkan karateh dihalaman ampek baleh tu. Ujang manulis halaman ampek baleh pakai bahasa  indonesia.

 

“ Sekarang valentine’s day ya, bukan berarti ingin merayakannya karena itu bukan budaya agama kita, cuma nge-remind kamu aja kalau sebutan lain valentine;s day itu hari kasih sayang.Tapi menurutku terlalu kaku jika hanya dibuat satu hari untuk menyadarkan orang orang untuk memperlihatkan rasa sayang kepada orang yang ia sayang pada tanggal ini. Tiap hari sebenarnya juga hari kasih sayang walaupun dalam keadaan diselimuti masalah. Karena rasa sayang tidak hanya yang manis manis saja tapi juga dalam kepahitan.” 

Ratih sanang jo terharu mambaco tulisan Ujang.

 

Di lembaran ka ampek baleh Ujang manuliskan baa keinginan Ujang yang ingin serius jo Ratih indak hanyo sabateh manjalin hubungan anak mudo baa umumnyo, Tapi ingin manjadi kawan dalam sagalo hal untuak mawujudkan tujuan yang serius. Ratih malanjutkan tulisan Ujang dihalaman yang samo,halaman ampek baleh.

 

“ hihi banyak lembaran yang kosong ya? Yuk kita isi lembaran lembaran kosong itu dengan cerita cerita yang bisa kita ukir,dan segala proses yang kita lalui, walaupun hanya sebuah coretan, setidaknya lembaran lembaran kosong itu dapat kira isi bersama” ​

Ratih dak manyanko Ujang sadalam itu niatnyo samo Ratih, dan dari surek tu Ratih mancaliak baa keseriusan Ujang dan Ratiih manjadi yakin untuak nio manjalani proses basamo untuak mancapai niat yang nio Ujang Ratih inginkan.