PANYASALAN HIDUIK

Nadia Pertiwi

Mahasiswa Jurusan Sastra Minangkabau, Fakultas Ilmu Budaya, Universitas Andalas

Disabuah pamukiman panduduk kampuang iduiklah sabuah keluarga ketek nan tadiri dari ibu bapak dan tigo urang anaknyo. Ibu banamo Murni dan bapaknyo banamo Samsul. Katigo anaknyo antaro lain Ibal nan suluang, Dani anak satu-satunyo padusi dan nan bungsu nan paliang ketek banamo rahman. Dahulunyo kahidupan keluarga ko bisa disabuik mewah serba bakacukupan. Murni ibu dari tigo anaknyo yang barumu ampek puluh limo tahun. Suaminyo Samsul limo baleh tahun labih tuo dari Marni.  Namun diumua nyo nan tapauik jauh Samsul bisa mambahagiakan anak bininyo. Dikaranoan inyo adolah keluarga nan barado dan serba bakacukupan. Murni indak bapiki untuk simpanan masa depannyo kelak. Murniberprinsip jiko hari ko nyo ado rasaki labih mangko dihabiskan hari itu juo. Unutk hari isuk nan akan datang bisuk pulo dipikian. Prinsip Murni nan sarupo itulah nan marubah iduiknyo. Nan dulunyo serba bakacukupan kini babandiang tabalik jo kahidupan nyo nan kini.  Kini bahkan untuk makan sahari sajo susah.  Takadang Marni harus maminjam pitih k dunsanaknyo dulu atau barutang di kadai-kadai.  Parubahan iko tantu disababkan dari gaya iduik Marni dan keluarganyo yang amat boros. Apo sajo nan kadibali indak nyo pikian dahulu apo ko guno jo katapakainyo. Katiko anaknyo alah baranjak dewasa.  Ibal si anak suluang itulah nan manggantikan bapaknyo untuk mancari nafkah bantiang tulang dikaranokan Sang bapak Samsul alah tuo dan pensiun dari tampek karajonyo nan dulu. Ibal bakarajo jauh-jauh diparantauan hanyo sabagai panangkok ayam sajo dipasa. Itupun ibal bakarajo sadari pagi hinggo laruik malam pulo.  Itulah usaho Ibal untuk mambantu maringankan baban keluarganyo.  Tando ibal lai anak nan mangarati jo kondisi dan keadaan nyo saat iko.  Tapi beda jo adik padusinyo.  Dani marupokan anak nan pintar dan berprestasi. Namun sayangnyo prilakunyo kapado urang tuonyo sangatlah indak tapuji.  Karajonyo saharian hanyo dikamar sajo.  Indak pernah manolong atau peduli jo urang tuonyo.  Namun itu tantu kesalahan asuhan dan didikan urang tuonyo juo. Dan anak yang bungsu nan kini sadang kelas anam sekolah dasar itu sangatlah lambat tumbuh dan perkembangannyo.  Rahman sadari ketek hinggo kini indak pernah makan nasi.  Rahman hanyo mangkonsumsi nie instan sajo sabanyak tigo kali sahari.  Itulah nan mengakibatkan tumbuh kembangnyo lambek. Karano itulah banyak tangguangan jo pengeluaran pitih dikeluarga Murni dan Samsul.  Kadang disaat susahnyo timbul perasaan panyasalan samsul dan Marni yang dulunyo bakacukupan dan bafoya-foya sajo jo pitih pendapatan yang langsuang habih sahari baru disadarinyo.  Jikok dahulunyo manabuang kan pitihnyo untuk masa depan anak-anak dan simpanan masa tuonyo pastilah iduiknyo indak sasusah kini.  Karano umua Samsul nan alah tuo jo pensiun. Dan pitih pensiunan nyo pun indak ditarimo lai akibat langsuang diambik habis.  Itulah sabab indak bapikia untuk hari isuk jadi hanyo panyasalan sajo nan dirasoan nyo kini.  Namun sio-sio sajo panyaslan itu. Nasi alah jadi bubu.  Halitu alah tajadi percuma disasali dan indak akan maubah nan alah tajadi.