Pemudo dan Tujuah Bidadari

Oleh: Alya Antasya 

Mahasiswa Jurusan Sastra Minangkabau, Fakultas Ilmu Budaya, Universitas Andalas.

Cerpen Kaba Klasik Minangkabau  Malin Deman 

Pado zaman dahulu, hiduiklah seorang pamudo yatim piatu banamo Malin Deman. Inyo pamudo nan giek karajo. Satiok ari inyo mengerjakan sawah jo ladang milik Mande nyo yang berada dipiggia rimbo. Inyo karajo membantu mamak nyo. Di sekitaran sawah punyo Mande Malin Deman itu tinggal seorang jando tuo nan banamo Mande Rubiah. Malin sangaik akrab jo Jando Tuo itu. Mande Rubiah alah mangga Malin sebagai anaknya surang. Mande Rubiah acok mangirimkan makanan jo Malin katiko Malin tangah menjago tanaman padi pado malam hari.

Pado suatu malam Malin Deman kembali manjago tanaman padinyo. Inyo hanyo seorang diri di tangah sawah. Inyo merasa sangaik hauih. Malin Deman langsuang pai ka pondok tampek Mandenyo Mande Rubiah untuk meminto aia minum. Sabalum Malin Deman tibo di pondok, Malin Deman mandanga suaro  padusi di balakang pondok Mande Rubiah. Dengan bakalan jingkek-jingkek, Malin Deman langsuang menuju ka sumber suaro nan sangaik inyo curiga.

Takajuik Malin Deman katiko maliek tujuah bidadari tangah mandi di kolam nan telatak di lakang pondok Mande Rubiah. Malin Deman sangaik tapesona maliek kerancaan tujuah bidadari katiko takana sinar rebumbulan nan tangah purnamo. Malin Deman jugo maliek tujuah selendang telatak di dakek kolam itu. Malin Deman manakok, tujuah salendang itu digunokan para bidadari untuak tabang dari Khayangan ka kolam itu. Mako, inyo bajalan mangandok-andok mandakeik i tujuah salendang itu dan ma ambiak salah satu salendang. Langsuang disambunyikan selendang itu dan inyo kambali mancibok tujuah bidadari yang tatok mandi itu.

Menjalang wakatu pagi tibo, tujuah bidadari itu baniek kumbali ka khayangan. Salah satu bidadari, Puti Bungsu indak dapek manamukan salendangnyo. Ka anam kakaknyo alah bausao membantu mancari salendang Puti Bungsu. Namun hinggo manjalang mato ari tabik salendang Puti Bungsu indak kunjuang ditamukan. Karano mato ari santa lai tabik, anam bidadari nan alah mandapek an salendangnyo dengan tapaso maninggakan adiak Bongsu mereka. Kaanamnyo manggunokan salendang inyo surang-surang untuak tabang kumbali ka khayangan.

Katiko ditingga uni-uninyo, si Puti Bungsu menangih. Inyo takuik untuak tingga di bumi, Malin Deman maliek jo mandakati Puti Bungsu nan tangah sedih. Malin Deman maajaknyo ka rumah Mande Rubiah. Jo hati sanang Mande Rubiah manarimo Puti Bungsu dan langsung mangakuinyo sabagai anaknyo.

Malin Deman kumbali ka rumahnyo sudah maantaan Puti Bungsu ka rumah Mande Rubiah. Sasampainyo dirumah, Malin Deman mancaritokan kejadian nan dialaminyo kapado Mande nyo. Dijalehannyo pulo ado bidadari nan tingga basamo jo Mande. Malin deman lalu mambarikan salendang bidadari itu kapado Mande nyo untuk disimpan. Malin Deman maminto Mandenyo untuak maandok an salendang itu salamo-lamonyo.

Sajak saat itu Malin Deman rajin bakunjuang ka rumah tampek Puti Bungsu tingga. Malin Deman jo Puti Bungsu tampaknyo saliang jatuh cinto. Kaduonyo lanteh menikah, indak barapo lamo kudian, kaduonyo di bari karunia seorang anak jantan. Nan di bari namo Malin Duano.

Puti Bungsu awalnyo sangaik sanang dibalaki dek Malin Deman. Namun sajak kalahian Malin Duano, parangai Malin Deman sangaik berubah. Malin Deman labiah banyak maa abih an wakatu di tampek judi. Inyo sangaik sanang manyambuang ayam dengan taruhan piti. Begitu sanangnyo inyo jo perjudian, hinggo acok kali indak pulang ber hari hari lamonyo.

Puti Bungsu menjadi sangaik ibo ati maliek parangai buruak lakinyo. Inyo kadang menangih surang maratapi nasibnyo. Karinduannyo untuak pulang kumbali ka khayangan tibo-tibo muncua. Semakin lamo raso itu sumakin gadang. Hinggo pado suatu saat inyo manamukan salendang punyo inyo dirumah Malin Deman. Inyo baacak hendak manjamua salendang tu. Sakatiko inyo mambao salendang itu karumahnyo. Puti Bungsu kudian manamui Bujang Karim inyo pagawai Malin Deman. “Tolong waang kecek an ka Malin Deman, denai baniek kumbali ka khayangan jo anak denai Malin Duano”.

Bujang Karim langsuan capek mancari Malin Deman ka tampek pajudian. Inyo mancaritokan apo yang di bari tau dek Puti Bungsu ka Malin Deman. Malin deman panik langsung capek-capek inyo mancari anak istri nyo di rumah. Alah talambek kutiko inyo sampai dirumah, istrinyo jo anaknyo alah pai ka khayangan. Inyo manyasa dan apo yang alah tajadi indak dapek di ulangi lai. Akibaik sifaik buruaknyo.

Alah babarapo taun kudian, katiko Malin Duano main jo kawan-kawannyo inyo di cimeeh jo kawan-lawannyo dek indak ado ayah. Malin Duano sangaik sadiah dan maminto izin jo Mande nyo Puti Bungu untuk mancari jo manamui ibunyo. Jo barek ati Puti Bungsu maizinkan Malin Duano, jo maantanyo turun ka bumi.

Sasampainyo dibumi Malin Duano bajalan mancari ayahnyo barado dari satu kampuang ka kampuang nan lain, inyo taruih mancari ayahnya. Pado suatu kutiko inyo mandanga ado lomba sambuang ayam di kampuang sabalah. Katiko lomba adu ayam Malin Duano manghadapi sang juara batahan di kampuang itu dan Malin Duano berhasil mangalahkan sang juaro itu. Tetapi urang tasabuik indak tarimo akan kekalahannyo dan bradu keris jo Malin Duano. “mano tuan nan kalah, kok indah tabungan tuan dek ambo, bukanlah ambo anak Malin Deman, bukanlah ambo anak Puti Bungsu”, madanga itu Malin Deman takajuik jo lemah pasandian badannyo. Langsung di paluaknyo anak nan lamo indak basuo jo inyo. Dibaoklah Malin Deman ka rumah nyo. Katiko sampai di rumah Mande Rubiah takajuik siap pamudo yang dibaok dek Malin Deman kiranya ialah cucunyo.

Puti Bungsu nan memantau Malin Duano dari ateh langik ikuik sanang karano bisa basobok jo ayahnyo. 

Hinggo suatu malam Malin Deman jo Malin Duano takalok di utuihlah buruang garuda untuak manjapuik anak jo lakinyo ka kayangan, satalah tu mamintak izin ka Mandeh Rubiah. Sajak itu kasadonyo iduik dangan damai.