Kawin sadarah

Oleh : Andini Sukmawati

Jurusan sastra Minangkabau, fakultas ilmu budaya

Mahasiswi Universitas Andalas

Di sabuah daerah di Minangkabau batampek di maninjau iduklah 2 sajoli yang saliang jatuah cinto. Padusinyo banamo Ijah sadangkan yang laki-lakinyo banamo Sutan. Ijah Jo sutan alah lamo manjalin cinto dari Patamuan nan Ndak disangko dek Ijah. Jalinan cinto Ijah barawal dari si Ijah nan baru masuak di salah satu kantua tampek karajonyo. Awal mulo Ijah masuak karajo Ijah dikenalan dek bos nyo ka rekan-rekan karajonyo di kantua tu. Kironyo Ijah nampak si Sutan nan sedang mangetik di komputer Ijah langsuang kagum dan hati Ijah langsuang babungo-bungo samo si Sutan. 

Setelah perkenalan Ijah di latak an sa tim Samo si Sutan. Ijah langsuang karajo Jo komputer. Dek Ijah Ndak mangarati main komputer, si Sutan manolong dan manunjukan si Ijah. Si Sutan batanyo

“Sia namo dek?” (kato si Sutan sambia manunjuk an si Ijah) 

Si Ijah manjawek “Ijah da” 

Satelah tu Ijah lah dakek se samo si Sutan kama-kama salalu baduo. Bara bulan kamudian si Sutan ma ajak si Ijah pai makan siang. Sasampainyo di tampek makan si Sutan batanyo ka Ijah.

“Nio makan apo Ijah?” Kato Sutan 

Ijah manjawek “terserah Sutan se lah”

Si Sutan langsuang ma imbau pelayan dan mamasan pesanan nyo tadi. Sambia manunggu pesanan si Sutan mangecek ka si Ijah kalau inyo suko Samo si Ijah.

“Ijah, Sutan iyo alah lamo suko samo Ijah semenjak Ijah masuak di tampek karajo. Ijah lai nio jadi pasangan Sutan?” 

Si Ijah tadiam sajenak dan manjawek lai.

“Laii Sutan, makasi Sutan nan alah manarimo Ijah apo adonyo” kato Ijah 

Bisuak siang harinyo si Sutan manjapuik si Ijah untuk main ka rumahnyo dan mangenalan si Ijah ka ayah Samo mandeh nyo. 

“Assalamualaikum Ijah,” (maimbau dari lua paga) 

Di sauik dek Mandeh si Ijah “Waalaikumsallam, eh nak Sutan masuklah nak. Ka Pai kama sutan maajak si Ijah?” (Sambia bajalan mambukaan pintu paga) 

“eh Mandeh, iko Mandeh Sutan ka maajak Ijah main ka rumah Sutan sekalian mangenalan ka ayah samo Mandeh di rumah kalau Ijah pasangan Sutan Mandeh” kato Sutan 

Mandeh langsuang ma imbau si Ijah nan lagi siap-siap di dalam kamar 

“Ijahh Ado si Sutan disiko nak” kato Mandeh 

“Iyoo Mandeh” sauik Ijah 

Akhirnyo si Ijah kalua basobok Sutan Jo Mandeh. Si Ijah Samo Sutan izin ka Mandeh untuk ka Pai. 

“Mandeh Ijah Pai Jo Sutan ka rumah Sutan Yo Mandeh” kato Ijah 

“Iyoo nak, elok-elok Yo nak” (kato Mandeh sambia senyum ka Ijah Jo Sutan) 

Sasampainyo di rumah si Sutan, si Sutan mamangia ayah Samo mandeh nyo kalau Sutan mambaok pasangannyo ka rumah. Selang waktu kamudian ayah Samo Mandeh Sutan kalua dan muruik si Sutan nan sedang duduk di kursi ruang tamu Samo si Ijah. Tibo-tibo Mato kaki ayah si Sutan Kanai kursi rotan dek sambia bajalan mancaliak si Ijah. Si Sutan langsuang batanyo keadaan ayahnyo. Dan ayah si Sutan langsuang mengalihkan pembicaraan. 

“dek apo ayah? Apo nan sakik ayah?” Kato si Sutan 

“ayah ndak ba a do nak, ayah hanyo tasanduang sajo nyo nak” (jawek ayah Sutan sambia bajalan ka kursi) 

Si Sutan mangenalan ayah Samo mandehnyo ka si Ijah. 

“Ijah Iko ayah Samo Mandeh Sutan” kato Sutan

“Iyoo Sutan” (sauik si Ijah sambia salam ka ayah Samo Mandeh si Sutan)

Ayah si Sutan batanyo2 tentang si Ijah dan bacarito panjang leba samo Sutan, Mandeh Sutan dan Samo si Ijah. Kironyo si Ijah anak kanduang ayah si Sutan Samo bini kaduo ayah si Sutan. Ayah si Sutan hanyo bisa tadiam dan Ndak mangecek an kalau si Ijah adiak si Sutan. 

Beberapa tahun kamudian si Ijah Jo Sutan makin dakek. Si Ijah alah sayang bana samo si Sutan dek karano Ijah Ndak Ado dapek kasih sayang dari ayahnyo. Si Ijah maraso kalau si Sutan bisa menggantikan kasih sayang nan alun nyo dapek dari ayahnyo dan bisa menggantian ayah sekaligus bagi si Ijah. Ijah dari umua baru 2 tahun alah ditinggaan dek ayahnyo karano ayahnyo Ado bini sabalun mandehnyo. Ijah digadangan dek mandehyo surang diri hanyo Ijah nan di harok an dek mandenyo. Ijah sebagai pambangkik batang tarandam di keluarganyo. 

Sampai suatu katiko malam hari tu Ijah lagi makan baduo Samo Mandeh nyo. Tibo-tibo mandehnyo mangecek ka Ijah 

“Ijah kau nan surang Mandeh harok an lai nyo nak, Mandeh alah batambah gaek Juo. Mandeh nio mancaliak Ijah sanang lai nak”. 

Ijah langsuang tadiam mandanga kato mandehnyo. 

Bisuak pagi harinyo Ijah basobok Samo si Sutan di tampek karajonyo. Ijah mancaritoan ka si Sutan kato mandehnyo nan tadi malam nan mangarah ka pakawinan. Mandeh si Ijah bacarito supayo Ijah capek-capek balaki dek Mandeh alah batambah Juo umuanyo. Satelah bacarito panjang leba si Ijah akhirnyo batanyo ba a pendapat dari si Sutan dan maminta kepastian ka si Sutan dek karano Ijah sayang dan ibo mancaliak mandehnyo. 

“Ba a menurut Sutan?” Kato Ijah 

“Giko jah dek ambo iyo alah serius Juo Jo Ijah, sanang Jo susah samo wak raso jadi Ijah lai nio jadi bini ambo?” 

Ijah batanyo ka si Sutan lai namuah manarimo Ijah sabagai bini nyo. Namuah susah Jo sanang dan manarimo apo adonyo si Ijah. Si Sutan manjawek lai manarimo si Ijah apo adonyo. Si Ijah langsuang maangguak dengan Mato bakaco-kaco. 

Selang waktu kamudian Ijah di antaan dek si Sutan ka rumahnyo dan langsuang maminta restu ka Mandeh nyo. 

Sasampai nyo di rumah Ijah langsuang ma imbau mandehnyo 

“Mandeh kamarilah si Sutan Tibo” kato si Ijah 

“Iyoo nak” (sambia bajalan dari dapua ka ruang tamu).

Sasampainyo Mandeh di ruang tamu Mandeh batanyo ka si Sutan “Ado apo tu nak datang kamari?”

“Giko Mandeh, dek Sutan Iyo alah serius samo anak Mande si Ijah jadi Sutan maminta restu ka Mandeh” kato si Sutan 

Mandeh langsuang mancaliak ka Ijah nan di samping Mandeh jo Mato bakaco-kaco Mandeh bakato “iyoo nak Mandeh restui, jago elok-elok anak Mandeh Yo, jan dilukuoi” (sambia mamacik tangan Ijah) 

Bisuak harinyo Mandeh pai maminang Sutan ka rumah Sutan. Tibo dirumah si Sutan Mandeh Ijah Ndak basobok Samo ayahnyo si Sutan hanyo sajo basobok Samo mandehnyo si Sutan dan keluarga Sutan lainnyo. Mandeh indak mengetahui kalau ayah si Sutan adolah ayah si Ijah. 

Sasudah Mandeh pai maminang Mandeh Jo Ijah masiapan sacaro matang pernikahan si Ijah. Mandeh maajak si Ijah pai manyewa baju pengantin, sepatu, dan lain-lain yang dibutuhkan saat nikah tu. Padahal Mandeh hanyo Ado pitih pas-pasan. Demi si Ijah anak nan satu-satunyo di Arok an dek Mandeh akhianyo Mandeh rela dan barusaho agar pas hari H kawinan si Ijah sanang dan rancak. Dek ibo Jo Mandeh si Ijah langsuang batanyo dan mangecek an kalau Ijah acara nikahan tu nio sederhana se dek karano tau susah nyo Mandeh mancari pitih untuk inyo. Tapi Mandeh masih basikeras kalau nio mancaliak anaknyo ancak pas hari H nikahan anaknyo. Dek mandanga kato mandehnyo si Ijah langsuang kagum samo Mandeh nan sayang bana samo anaknyo. 

“Ijah kamarilah nak, kito Pai cari baju untuk Ijah pakai pas nikahan Ijah nak” kato Mandeh 

“Mandehh, usahlah mandeh sewakan baju untuak Ijah. Simpan sajo pitih Mandeh untuak kebutuhan Mandeh. Ijah nio sederhana nikahan Ijah Mandeh. Baju Mandeh masih ado dan masih rancak” sauik si Ijah 

“indak nak, baju Mandeh alah kusam nak. Mandeh nio mancaliak Ijah rancak nak pas hari nihakan Ijah” jawek Mandeh 

“Mandehh....” (Kato Ijah sambia mamaluak Mandeh Jo aia mato balinang) 

Bara hari kamudian, dek lah Tibo hari H nyo si Ijah batanyo ka Mandeh nyo sia nan akan manikahan nyo dan si Ijah batanyo dima ayahnyo kini. Mandeh langsuang tadiam sakatiko dan manjawek kalau ayah si Ijah Pai marantau cari karajo dan alun pulang-pulang. Dan Mandeh alah mancari wali hakim untuak manikahan si Ijah sebagai walinyo si Ijah. Si Ijah hanyo tadiam dan manahan tangih dek karano hari bahagianyo keluarganyo ndak lengkap dan yang manikahanyo bukan ayahnyo. 

Ijah batanyo ka Mandeh “Mandeh sia nan akan manikahan Ijah Mandeh? Ayah kanduang ijah di keberadaan nyo kini Mandeh? Alah lamo Ijah indak basuo samo ayah kanduang Ijah mandeh” 

“Ayah kau Pai marantau nak, sampai kini alun ado pulang-pulang lai nak. Mandeh alah mancari wali hakim untuak manikahan Ijah nak” sauik Mandeh 

Bara jam kamudian dek waktunyo alah tibo dan dek si Ijah ndak ado ayahnyo jadi walinyo digantikan dengan wali hakim nan dari KUA. Pas lah akad dan wali hakim mangecek sah, dan keluarga alah manjawek sah. Tibo-tibo ayah si Sutan Tibo dan mambatalan pernikahan si Ijah. Ayah si Sutan Mangatoan 

“Barantiiii....., nikahan ko ndak bisa untuak dilanjuik an do. Si Ijah Samo si Sutan inyo sadarah, inyo saudara kanduang hanyo beda mandeh dan ndak bisa dinikahkan”. 

Si Ijah manjawek “Ba a kok baru kini ayah Katokan? Salamo ko kama se ayah Ndak Ado kejelasan (sambia manangih)

Ayah manjawek “maafkan ayah Ijah ayah ndak ka manyangko Iko ka tajadi do” Kironyo si Ijah Jo si Sutan saayah beda Mandeh. Dek mandanga kato itu Ijah tabik tangih dan lari kalua sadangkan si Sutan hanyo tadiam mandanga kato-kato ayahnyo. Selang waktu kamudian si Sutan manyusul si Ijah lari kalua. Dek mancaliak anak-anaknyi lari kalua ayah sisutan manuyul dan mangaja anak-anaknyo tadi. Lah mancari-cari akhirnyo ayah si Sutan basobok Samo si Sutan Jo si Ijah lagi duduak baduo. Ayah si Sutan manuruik anak-anaknyo tadi dan maminta maaf sambia barusaho manjalehan apo nan tajadi. Dek mandanga kato-kato ayahnyo Ijah hanyo manjawek dengan jawaban yang simpel. Ayah nyo hanyo tadiam dan ndak bisa berkata-kata dek kato si Ijah tadi. 

“maafan ayah nak, ayah alah baduto ka kalian” kato ayah nyo 

“Percuma kini ayah maminta maaf dan manjalehan dolahnyo. Iko alah tajadi yah ndak Ado gunonyo ayah jalehan” (jawek si Ijah sambia manangih) 

Akhirnyo si Ijah alun manarimo apo nan tajadi hari itu dan alun nio mamafan ayahnyo. Dek ulah ayahnyo nan baduto si Ijah Samo si Sutan nan Kanai karma Jo manangguang dosonyo dek kawin sadarah nan dilarang dek agamo Jo adaik.