Nan Barutang itu Nan Mambayia

Oleh Radha Chania

Siti mamandang ka langik-langik loteang kamarnyo nan ampiang rubuah. Kamar nan tabuek dari potongan batang karambia alah maso nyo lapuak dimakan maso. Matonyo bakaco-kaco mangana untuang jo nasib si badan diri. Malam tu aia  manitiak dari salo-salo loteang nan alah lapuak dimakan aia. Samantaro badai masih sajo babisiak ka talingonyo seolah-olah mangecek an rumahnyo akan rubuah sakijok mato rato jo tanah. Angin kancang sarato hujan mambuek Siti payah untuak untuak bapikia elok. Siti bapikia kok iyo rumahnyo rubuah dimanyo ka tingga, ndak tabayang tangih adiak adiak nyo nan indak punyo tampek tingga lai. Taruih sajo pikiran buruaknyo malayang-layang manjalang mato tapiciang. Dek mambayangan hal nan buruak indak sadar matonyo alah mangantuak dan inyo lah takalok.

Paginyo siti tajago, nyo bapikia akhianyo siti bisa juo lalok dalam keadaan pikirannyo sadang kacau. Nyo bukak jendela ketek yang tabuek dari kayu, nyo hiruik udaro segar nan masih bacampua jo baun hujan jo badai samalam. Suaro ribuik di dapua nan alah hafal di talingonyo yaitu suaro adiak-adiaknyo nan sadang mamparabuikan nasi goreang untuak makan paginyo. Ampiang satiok pagi amaknyo mamasakan nasi goreang untuak Siti jo adiak-adiaknyo. Walaupun hanyo nasi goreang biaso hanyo modal bawang jo nasi sajo tapi itu adolah nasi goreang yang paliang lamak bagi Siti jo adiak-adiaknyo, siti manyabuiknyo nasi goreang putiah. 

Siti sangaik maraso bahagia alah mampunyoi amak sarupo iko, amak nan kuek, nan saba jo sayang samo cucu-cucunyo. Amak adolah satu-satunyo tampek siti mangadu salain kaduo urangtuo Siti, satiok amaknyo manarimo pensiun, indak pernah lupo amaknyo untuak baragiah ka cucunyo, bahkan apopun rela amak lakukan hanyo untuak mambahagiakan cucunyo. Karano jumlah Siti baradiak kakak banyak, jadi indak bisa maharok an ayah siti nan hanyo bakarajo kuli bangunan. Indak lamo siti bapikia, siti langsuang manuju ka dapua untuk mamakan nasi goreang nan di buek an amak tadi nan alah diasiangan untuak Siti.

[9/5 09:35] +62 812-6813-3051: Pagi tu sasudah Siti salasai makan, siti dipanggia “ Ti, toloang pai ka lapau bali lado giliang, amak ka masak gulai untuak wak makan tangah hari beko, jadih mak, tapi siti kajaan mancuci piriang nan saketek ko dulu yo mak, jawek siti. Sasudah salasai Siti mancuci piriang, siti langsuang bagageh mambalian lado nan disuruah amaknyo tadi. Pai lah siti tadi ka lapau, tibo di lapau nyo kecek an lah dek etek lapau tadi baso inyo ka pai karumah maantaan bareh kiriman dari anak nyo, anak etek kadai tamasuak urang nan bapitih, sahinggo tiok bulannyo anak etek tu baragiah ka ibu siti. Etek kadai emang sanantiaso elok ka ibu situ, karano inyo mangarti ba a keadaan ibu siti nan punyo anak banyak. Sasudah siti manarimo paragiah dari etek tadi, siti nyo mintak tarimo kasih karano alah maagiah siti bareh. Pai lah siti tadi pulang. 

Sampai disimpang jalan ka pulang, tibo-tibo ado urang nan maimbau siti, langsuang siti mancaliak ka arah sumber suaro, kironyo itu suaro Apak nan acok duduak disimpang jalan. ‘‘iyo pak, jawek siti”, siti mancaliak ado atok seng ditangan Apak, apak langsuang manjawek, “iko atok rumah siti kan?” tanyo Apak, iyo pak dari ma Apak tau pak, iyo dulu pernah pulo kejadian sarupo iko, wakatu hujan sarato badai, atok rumah siti tabang sampai ka simpang jalan ko, siti maangguak paham, oohh iyo pak, tarimokasih banyak yo pak, jawek siti agak taibo”. Siti langsuang pulang jo hati ibo, karano tabayang katiko lalok tadi malam siti mamikian tentang rumahnyo nan lah lapuak. Apak hanyo mancaliak ka Siti jo tatapan ibo. Apak termasuk urang nan paibo, apak tu bakarajo manjua dagiang, dulu pernah apak tu maagiah ibu siti dagiang untuak mambuek randang bahkan dilabiahan dek Apak tu karano nyo tau anak ibu siti banyak.  

Sasampainyo dirumah, siti langsuang maagiah tau ka ayahnyo. “Ayah, iko atok rumah wak, dima dapek dek siti nak? atok wak tabang yah sampai ka simpang jalan, tadi apak nan duduak disimpang jalan maagiahnyo ka siti yah, ondeh iyo nak, atok wak tu alah ndak ado tonggak untuak malakekan nyo lai do, tonggak nyo pun alah lapuak. Beko ayah carian kayu untuak panyangga nyo sahinggo bisa ayah lakek an baliak. Iyo yah, siti manjawek sambia malatak an atok tadi tu pai masuak ka dalam biliak. Di biliaknyo siti manangih taisak-isak, siti bapikia ba a kok mode iko bana nasibnyo, padahal inyo punyo mamak nan kayo, tapi tega mancaliak kehidupannyo mode iko, padahal amak Siti termasuk urang yang punyo pusako laweh, tapi amak siti ado dibawah tekanan anak laki-lakinyo sahinggo amak hanyo manyarah sajo jo apo nan tajadi. Bahkan Siti pernah maliek mamak siti sadang mangecek jo amak siti, mamak siti mangareh mangecek ka ama siti sahinggo amak siti diam ndak bisa bakato apo-apo.

Pado suatu katiko Amak Siti baniek manjua sawah paninggalan almarhumah buyut Siti. Tantu dalam adat minang nan maurus tu anak laki laki yaitu mamak siti. Di urus lah dek Mamak Siti ko, lah disabuik jaleh-jaleh dek Amak Si siti kalau pitih sawah tu untuak mambuek rumah, tapi apo nyatonyo, mamak siti malah maambiak pitih tu duluan, usak di usakan lah pitih tu sahinggo nan tingga hanyolah siso nyo sajo, nan hanyo cukuik utk mambuek pondasi rumah sajo indak sampai mambangun rumah sampai salasai. Manangih lah amak si siti, maraso ibo mancaliak nasib anak bungsu nyo nan cando iko. Diharok nasib bisa barubah nyatonyo indak sasuai jo angan-angan. Mancaliak sifat mamaknyo sarupo itu, timbul lah ibo di dalam hati Si siti. Bagi siti hilangnyo tangguang jawab mamak di adat minang, niniak mamak nyatonyo niniak ngangak nan indak bisa bapikia kedepan untuak manakannyo. Mato mamak siti nan alah buto dek tagiur jo pitih nan banyak, sahinggo lupo eksistensi pitih nan sabananyo.

Siti indak bisa mancaliak peran mamak nan sabananya do, ma nyo nan kato pepatah anak dipangku kamanakan dibimbing, ndak ado diamalkan untuak ka jadi pedomanan hiduik. Kok Siti sebagai kamanakan lai maharagoi mamak nyo, satiok tibo karumah indak pernah siti indak mambasoan makan jo kopi ka mamaknyo do. Kok di kecek an mambantu lai juo ado mamak siti mambantu mambali bareh agak sagantang, tapi itu untuak maambiak muko sajo katiko sadang ado kawannyo, satiok mambantu pasti ado kato upek di balakangnyo, acok manahan hati Siti tapi apolah dayo nyo, kok malawan indak mungkin, ba a ka ba a pasti dipandang buruak siti dek urang kampuang karano alah malawan mamaknyo. Ibu siti alah biaso jo sifat mamaknyo, satiok maupek, ibu siti hanyo bisa mauruik dado karano ibu siti tau inyo sadang butuh bantuan uda nyo.

Tapi masalah manjua sawah ko, ibu siti yo bana indak tarimo do. Dari sakian banyak pitih habih dek mamak nyo, indak sabara untuak nyo do, padohal alasan manjua sawah adolah untuk managak an rumah. Ibu siti yo bana indak tarimo, tapi jo yakin hati nyo, inyo mangecek kalau urang yang makan pusako untuak inyo foya-foyakan nyo itu indak akan berkah. Nan tajadi dek inyo pasti cilako, indak akan salamaik dunia akhiraik. Jo hati ibo ibu siti hanyo bisa manarimo perlakuan kakak nyo, nyo yakin kakak nyo suatu saat sadar kalau yang nyo lakukan ko salah. Sempat tibo karumah siti, mamak siti mode urang indak basalah sajo. Kama pikiran uda da, tega uda mancaliak ambo jo kamanakan uda taniayo sarupo iko. Ibu uda tingga jo ambo dha, setidaknyo agiah tampek tingga nan layak untuak urang gaek uda da, kalau ka mode iko indak ka salamaik hiduik uda do da picayolah da oiiikkkkk, sambia marauang ibu siti mangecek. Tujuan manjua sawah untuak managak an rumah ambo da mako itu ibu manjua sawah, kini uda ambiak pitihnyo, uda parancak an rumah uda, caliak urang gaek, adiak jo kamanakan uda da. Manangih lah amak siti sambia mamaluak ibu siti, alah ma nak oikkk, maafan ibu nak alah mambuek hiduik wak sarupo iko, ndak ibu nan salah do bu, anak ibu nan indak bisa jadi niniak mamak nan batua, manangih lah ibu situ. Nan mamak siti hanyo mangecek ndak sabara bana ambo mamakan pitih tu doo, inyo tetapi indak mangaku seolah-olah indak ado mamakan pitih tu. Siti jo adiak-adiaknyo alah manangih mancaliak suasana di ruang tangah siti nan panuah jo aia mato, siti hanyo bisa mancaliak dari baliak tirai pintu biliaknyo. Pai lah uda dari rumah ambo ko daa, kato ibu siti jo muko nan alah mamerah. Nyo jawek lah dek mamak siti, jan aden nan kau usia, den tampa kau beko lai. Nyo ayunan lah tangan nyo dek mamak siti, dengan capek siti balari sambia mamacik tangan mamaknyo nan ka manampa ibu nyo tadi. Tolong jan tampa ibu siti, ibo lah jo ibu, alah mode iko manangguang baban hiduik, tolong jan mamak tambah juo beban di hati nyo, sambia ba urai aia mato siti mangecek. Ibu kau nan alah indak lamak caro nyo ma usia ambo, ambo urang tapandang dikampuang ko sebagai niniak mamak, indak sumbarang sajo inyo mangecek do. Siti bukan ikuik campua, tapi ibu siti cuma manuntuik hak nyo tapi mamak nan alah indak mamakai pepatah adat kito sebagai urang minang, tolong mamak babuek sesuai jo nan alah di tantuan adat kito mak, usah mamak manyalahan ibu siti, tolong sadarkan diri mamak, kalau perbuatan mamak emang salah. Kau ketek indak tau apo-apo jawek mamak siti sambia malapehan tangan siti nan alah manghalangi nyo tadi.

Diam lah suasana dirumah siti tadi, nyo paluak lah ibu nyo. Adiak siti nan manyuruak di baliak tirai pintu tadi kalua, sambia manahan aia mato nan akhia nyo jatuah juo, nyo paluak lah ibu siti dek anak-anak nyo. Kami masih ado untuak ibu, bisuak kalau siti sukses siti buek an ibu rumah tingkek tigo bu, sambia senyum siti mangecek ka ibu nyo, tagalak juo lah ibu siti akhirnyo. Rajin rajin siti sikola yo nak, buliah indak jadi urang kayak ibu nan susah. Iyoo bu jawek siti sambia ma ulang mamaluak ibu nyo. Usai kejadian tu ndak taraso hari alah malam, sahinggo siti istirahat ka biliak nyo.  

Dipandang ka ateh loteang nan lapuak tadi, sambia marabahan badan, masih taingek dalam pikiran siti suasana tadi siang nan maheboh heboh karano suaro ibu jo mamaknyo nan mangecek an pusako tadi. Bakato siti dalam hatinyo, jikok ambo alah gadang bisuak ambo ndak nio mamikian pusako nan ditinggaan ibu do. Ambo nio pusako nan ambo hasilkan surang dari jariah payah ambo, pusako basamo tu adolah hal nan cilako, bisa mambuek hubungan baradiak kakak hancua, bisa mambuek hubungan anak jo mande ranggang, dan masih banyak hal lainnyo nan bisa menimbulkan kerugian dek ulah pusako. Baitu kato-kato hati siti nan inyo pikian manjalang ka lalok. Tapi untuak kali iko pikiran siti barek untuak lalok, antah ba a pangana siti nan jaleh mato nyo ndak namuah tapiciang. 

Tadangan lah isak tangih dari muko kamar siti, kironyo itu isak tangih ibu siti. Alah malam tapi ibu siti masih mamikian kejadian tadi siang. Masuak pulo siti ka kamar ibunyo, sambia mamaluak siti bakato ka ibunyo, “ bu, usah ibu pikian hal nan tadi, kalau memang hak ibu nan di makan mamak, ibu ikhlasan picayolah bu, pasti ado gantinyo satiok ke ikhlasan hati kito bu”, sambia ta isak ibu siti manjawek .“ ibu bukan ndak ikhlas nak, tapi ibu ndak bisa bapikia apo nan ado dalam utak mamak siti tu do, alah mode iko kehidupan awak nak, lai taraso ko lah dek inyo ba a padianyo kito, satiok hujan labek hati kito pasti indak tanang, saraso rumah ko ka rubuah, satiok hujan atok rumah pasti bocor, kadang ibu ndak lalok karano takuik rumah wak taganang aia, indak sakali ko se mamak siti tu mode iko doh , dulu pernah pulo amak manjua rumah di simpang, di lambuik juo pitih tu dek mamak siti”. Siti diam indak bisa bakato apo-apo. Kini ibu lalok dulu, siti ndak nio mancaliak ibu bapikia mode iko do. Ibu siti diam, lalu marabahan badan.

Sasudah itu Siti pai ka kamar nyo, siti sadiah bana mancaliak kondisi ibu nyo, ndak tatahan dek siti sahinggo ndak sadar aia mato nyo lah jatah ka pipinyo nan lembut dan putiah tu. Hal iko mungkin manjadi pelajaran bagi siti untuak maso nan akan datang. Mungkin siti indak ka lupo ba a perlakuan mamak nyo terhadap keluarga nyo kini. 

Bukan hanyo ibu siti nan kanai kecek, tapi hati Ayah siti kanai pulo, karano mamak siti mangecek an ayah siti indak pandai apo-apo, nyo ndak mampu mambangun rumah, tanpa mamak nyo sadari padohal rumah kayu nan sederhana bagi kami adolah buatan ayah siti. Bantuak ndak ado arti apo-apo kebaikan ayah dimato mamaknyo, salamoko Siti jo keluaga digadangan jo bamandi paluah, ndak tau siang jo malam, ndak tau hujan jo paneh mode itu pengorbanan ayah siti demi keluarganyo. Dari dulu mamak siti emang ndak suko mancaliak ayah siti, karano ayah siti indak urang kayo. Tapi walaupun indak kayo siti tetap bangga mampunyoi ayah sarupo ayah nyo. Nan mautamoan kasiah sayang ka anak-anak nyo di bandiang pitih nan di agiah, banyak hal nan alah tasuo dek siti. Kawan-kawan siti urangtuo nyo kayo rayo, tapi indak ado siti mancaliak kasih sayang nan di agiah urangtuo kawannyo do, malah anak nyo di pupuak jo pitih tanpa mananyo keadaan anak nyo talabiah dahulu.  

Hari baganti hari, lah tibo masonyo sia nan barutang itu nan mambayia, sia nan maminjam itu nan mamulangan, sadolah yang alah kito lakukan pasti ado balehnyo dari Nan Kuaso. Limo bulan sasudah manjua sawah, hiduik mamak siti sangatlah kayo rayo, tiok sabanta oto nyo baganti, rumahnyo nan tambah rancak. Tapi itu hanyo samantaro, dek ulah mamakan hak urang kini mamak siti harus manabuih apo nan alah nyo pabueknyo. Samanjak itu mamak siti indak hanti- hatinyo dapek musibah. Oto bajua, inyo nan gilo bacakak sajo jo bini nyo, anaknyo balangga. Sampai-sampai mamak siti yo sabana indak bapitih lai, apo nan ka disesali, nasi alah manjadi bubua. Kini mamak nyo harus manarimo balasan dari hasil perbuatan inyo surang. Kini mamak siti masih tetap pai karumah siti.

Di dapua sambia mancuci piriang, siti bakato ka ayahnyo. Alah Nampak hukuman dek tuhan nan kuaso yah, mamak nan alah babuek jaek ka ibu alah kanai hukumannya. Siti yo bana dendam ka inyo yah, samanjak inyo ka manampa ibu siti yo bana indak tarimo do yah. Ayah siti manjawek, iyo nak, tuhan emang indak pernah sio-sio. Tapi siti indak elok mangecek mode itu do, ba a pun nan mamak tu tetaplah mamak siti. Kok kamari mamak siti tu basoan juo minum kopi,basoan juo makan. Siti agak tadiam, ehh iyo yah siti masih alun bisa malupoan kejadian tu lai yah, iyo bana alah mambakeh di hati siti yah. Sabananyo di hati siti indak manarimo, tapi ayah siti maaja siti supayo indak dendam ka mamak nyo surang. Nan mamak tetap lah mamak nak, indak akan pernah manjadi bekas mamak, ayah ndak suko mancaliak siti batanam kasan ka mamak siti surang do nak, indak elok wak mananam dendam ka urang apalagi itu mamak kanduag siti. Siti manunduak diam, sambia bapikia alah mode iko ayah nyo tapi masih juo di anggap buruak dek mamaknyo lai. Yo bana taibo hati siti perbuatan elok ayah nyo nan indak pernah nampak. Tapi hal iko yo bana manjadi pelajaran bagi siti karano siti picayo apo nan wak tanam itu nan wak tuai, kini mamak siti alah manarimo karma dari perbuatan nan alah inyo lakukan. Siti yo bana yakin jo pepatah minang kalau sia nan barutang itu nan mambayia.