BUNDO KANDUANG

Oleh : Racheal Rahayu Hendariyani

Jurusan Sastra Daerah Minangkabau

Limpapeh rumah nan gadang, amban paruik pagangan kunci, pusek jalo kumpulan tali, hiyasan di dalam kampuang, sumarak dalam nagari.

Satiok kebudayaan di Indonesia mampunyoi nilai jo pangajaran tantang pola asuah anak nan babeda-beda. Sala satunyo di Tanah Datar, Sumatera Barat, misalnyo, konsep Bundo Kanduang manjadi sosok utamo dalam pangasuah anak. Pribahaso di ateh marupokan gambaran peran padusi dalam komunitas masyarakaik suku Minangkabau. Padusi dipandang sebagai sosok nan indak hanyo kuek tapi manguekan pulo. 

Indak heran jikok padusi mampunyoi tampek istimewa dalam kahiduikan social budayo Urang Awak. Konsep sarupo itu tarangkum lewat gala Bundo Kanduang, bagi kaum padusi Minang. Bundo Kanduang sandirinyo marupokan sabuah personifikasi jo identitas budayo nan malakek pado padusi Minangkabau.

Bundo Kanduang atau dapek diterjemahan sacaro kasa ka dalam bahaso Indonesia sebagai Bunda Kandung, adolah personifikasi etnis Minangkabau sekaligus gala nan diagiahan kapado padusi suluang atau nan dituokan dalam ciek suku. Gala Bundo Kanduang hanyo malakek kapado saurang padusi nan alah bakaluargo. Walaupun umua alah tuo tapi inyo alun bakaluargo itu indak bisa disabuik atau dikecekan jo Bundo Kanduang.

Sacaro harfiah, Bundo Kanduang barati mandeh sajati atau mandeh kanduang. Namun, sacaro makna Bundo Kanduang adolah pamimpin padusi di Minangkabau, nan manggambarkan sosok padusi bijaksano nan mambuek adaik Minangkabau batahan samanjak jaman sejarah  Tamwan hinggo jaman adaik Minangkabau.

Bini adalah saurang datuak pulo kadang-kadang disabuik dengan Bundo Kanduang untuak tingkek klana atau suku. Kini, istilah iko acok dipakai sabagai kato ganti untuak padusi nan alah bakaluargo sacaro lueh. Pado maso Orde Baru, Lembaga Kerapatan Adaik Alam Minangkabau managakan organisasi Bundo Kanduang untuk mangimbangi organisasi padusi lain sarupo Himpunan Wanita Karya (HWK).

Sejarah

Dalam kaba Cindua Mato, Bundo Kanduang adolah saurang ratu nan mamerintah di Kerajaan Pagaruyuang, mampunyoi saurang putra  banamo Sutan Rumanduang bagala Dang Tuangku. Inyo mampunyoi saurang anak laki-laki bagala Rajo Mudo nan mamerintah di daerah rantau timur Minangkabau diranah sekalawi (kini kab. Lebong) jo inyo mampunyoi saurang kamanakan (anak dari adiak padusinyo basamo Cindua Mato).

Inyo naiak tahta manjadi rajo sapaningga ayahnyo sam antaro itu dunsanak laki-laki nyo indaklah figure nan cocok untuk aman jadi rajo. Diduga inyo mamerintah di sakitar jadinyo kevakuman di Pagaruyuang (Sekitar periodeabaik 15-16). Akibaik serangan dari krajaan di Timur, inyo sakaluargo manyingia ka arah baraik dayo Pagaruyuang yaitu ka Indero puro atau Lunang, dan manetap di situ. Dalam palariannyo  Sutan Ramanduang mampunyoi duo anakbanamo Sutan Sarduni jo Putri Sariduni.

Dalam tatanan masyarakaik adaik budayo Minangkabau, Bundo Kanduang dibagikan dalam duo jinih yaitu Bundo Kanduang Adaik atau Bundo Kanduang Sako, jo Bundo Kanduang Organisasi. Bundo Kanduang Adai atau Bundo Kanduang Sako mampunyoi tangguang jawek saling karumah gadang atau kaumnyo. Samantaro Bundo Kanduang Organisasi dipiliah malalui musyawarah daerah, baiak itu ditingkek Nagari, kecamatan, kabupaten hinggo provinsi jo nasional.

Mandeh Sajati Urang Awak

Urang Awak atau Urang Minang memang dikenal sabagai salah satu kaum di Indonesia nan manganut sistem kekerabatan matrilineal. Bagi mareka nan masih tingga di rumah adaik-rumah gadang, akan ado ciek Datuak jo Bundo Kanduang Sako.

Di dalam rumah gadang nan baitu gadang, biasonyo tadapek labiah dari ciek kaluargo. Bisa ampek bahkan sampai tujuah kaluargo. Itu pulo nan mambuek peran Bundo Kanduang Sako bagitu pantiang. Inyo muncua sabagai tiang kaluargo, sosok kunci panyalasaian masaalah sakaliguih panjago adaik, nilai jo paradaban.

“Ciek rumah gadang biasonyo mampunyoi ciek Datuak nan mangapaloi rumah adaik masiang-masiang jo Bundo Kanduang Adaik, adolah mandeh dari Datuak”. Sado padusi Minang nan alah manikah mampunyi peran nan samo, mareka sadonyo adolah Bundo Kanduang, simandeh sajati anak-cucu Minang.

Mangko indak heran jikok kasado anak dalam ciek rumah gadang atau kaum bukan hanyo tangguang jawek mandeh kanduangnyo sajo, tapi para Bundo Kanduang pulo. “Jadi misalnyo ado anak sadang lalok dalam buayan, siapo sajo nan ado di rumah gadang jo mancaliaknyo, dibuay anaknyo”. Lain Bundo Kanduang Sako balain pulo organisasi. Bundo Kanduang Organisasi pertamo kali dibantuak pado 18 November 1974 lewaik musyawarah daerah Bundo Kanduang di Kota Payokumbuah.

Ketua pertamo Bundo Kanduang saaik itu adolah almarhumah Jamilah Djambek. Kini, peran nan samo diamban dek Puti Reno Raudha Thaib, saurang sastrawan, budayowan, jo akademisi sakaligus ahli warih Karajoan Pagaruyuang, Sumatera Barat. Örganisasi iko pulo tadiri dari saurang padusi Minang kabau nan alah manikah kamudian nan baagamo Islam kamudian inyo manuruik kagiatan nan manyangkuik dengan adaik istiadaik Nagari jo malaksanakan kagiatan ABS-SBK atau adaik basandi sarak – sarak basandi kitabullah,” tambahnyo Gusnawilis.

Guno organisasi pun baragam, mulai dari manjago budayo jo adaik-istiadak Minangkabau, manjadi kader pamberdayaan anak jo padusi sampai turun malakuan panyuluahan ilimu parkawinan.

Kini Bundo Kanduang manjadi salah satu kader pambangunan masyarakaik adaik Minang. Mareka dilibaikan dalam banyak  kagiatan. Maski rumah gadang baganti jadi tembok-tembok parumahan, Nagari barubah manjadi pangkelasan jo parkampuangan multicultural, namun peran luahu atar sabuik akan taruih diturunkan, sampai isuak.

Ramo-ramo si kumbang janti, Katik endah pulang bakundo, Patah tumbuah hilang baganti, Pusako lama baitu juo.